ရုပ်ရှင်နှင့်ဗီဒီယိုသရုပ်ဆောင် ဦးမင်းစိန်သည် ဇန်နဝါရီလ (၅)ရက်နေ့ မနက်(၂:၃၀) အချိန်ရန်ကုန်ဆေးရုံ ကြီး၌ရုတ်တရက်ကွယ်လွန်သွားပါသည်။ ကွယ်လွန်သူ ဦးမင်းစိန် အသက် (၅၆)နှစ်၏ ကြွင်းကျန်ရစ်ရုပ်ကလာပ်အား နာရေးကူညီမှုအသင်း(ရန်ကုန်)မှ ဥက္ကဌ ဦးကျော်သူ ကိုယ်တိုင် နိဗ္ဗာန်ယာဉ်မောင်းနှင်၍ ရန်ကုန်ဆေးရုံကြီးမှ ရေဝေးသုဿန်သို့ ပို့ဆောင်ကူညီဖေးမခဲ့ပါသည်။ ကွယ်လွန်သူ ဦးမင်းစိန်အား (7.1.2018)ရက်နေ့ မွန်းလွဲ(၁၂းဝ၀)အချိန် ရေဝေးသုဿန်တွင် မီးသဂြိုလ်မည်ဖြစ်ပါသည်။ ရုပ်ရှင်နှင့်ဗီဒီယိုသရုပ်ဆောင် ဦးမင်းစိန် ကွယ်လွန်သွားသည့်အတွက် မိသားစုများနှင့်အတူ နာရေးကူညီမှုအသင်း(ရန်ကုန်)မှ ထပ်တူထပ်မျှ ကြေကွဲဝမ်းနည်းရပါသည်။ ဓါတ်ပုံ – အောင်စိုးပိုင် ၊ အုပ်စိုးညီညီ
၂၀၁၉၊ အောက်တိုဘာလ၊ (၁၆)ရက်ယနေ့ ည(ရး၃၀)နာရီ အချိန်ခန့်တွင် ရန်ကုန်တိုင်းဒေသကြီး၊ဒဂုံမြို့သစ်(မြောက်ပိုင်း)မြို့နယ်၊ဗိုလ်မှူးဗထူးလမ်းမကြီး ၊ဂန္ဓာရုံ မှတ်တိုင်အနီး ယာဉ်မောင်းသင်တန်းကွင်းအရှေ့ ဆိုင်ကယ်နှင့် လျှပ်စစ် စက်ဘီးယာဉ်တိုက်မှုဖြစ်ပွားခဲ့ပါသည်။ အခင်းဖြစ်ပွားရာ နေရာမှဒဏ်ရာရ လူနာ စက်ဘီးသမားအမျိုးသမီး (၁)ဦးအား နာရေးကူညီမှုအသင်း(ရန်ကုန်) K Amublance အရေးပေါ်ကယ်ဆယ်ရေးဌာနှညတာဝန်ကျ အဖွဲ့မှ အချိန်နှင့်တပြေးညီကျမ်းမားရေးစောင့်ရှောက်မှုပေး၍ မြောက်ဥက္ကလာဆေးရုံသို့ (အခမဲ့)ပို့ဆောင်ကူညီပေးခဲ့ပါသည်။နာရေးကူညီမှုအသင်း(ရန်ကုန်) K-Ambulance အရေးပေါ်လူနာတင်ယာဉ်ဌာနအနေဖြင့် ပြည်သူများ၏ အခက်အခဲများ၊ကျန်းမာရေးဝန်ဆောင်မှုများနှင့်အရေးပေါ်ကိစ္စများကို အချိန်နှင့်တပြေးညီ(၂၄)နာရီအဆင်သင့် (အခမဲ့)ကူညီဆောင်ရွက်ပေးလျက်ရှိရာ အကူအညီများတောင်းခံလိုပါက ဖုန်း – 09 421119566, 09 31333273သို့ဆက်သွယ် အကူအညီတောင်းခံနိုင်ပါသည်။ သတင်း /ဓါတ်ပုံ -ပြန်ကြားရေးဌာန(FFSS)
ရန်ကုန် ဇွန်(၂)နာရေးကူညီမှုအသင်း(ရန်ကုန်)သုခအလင်းပညာဒါနကျောင်းနှင့် Ateliea Management and Business Consulting Centre တို့ပူးပေါင်းဖွင့်လှစ်သော ကိုယ်ပိုင်စီးပွားရေးစီမံခန့်ခွဲမှုသင်တန်း(၂ /၂၀၁၆) သင်တန်းဆင်းပွဲနှင့် (၃/ ၂၀၁၆) သင်တန်းသစ်ဖွင့်ပွဲအခမ်းအနားအား ယနေ့ ၂၀၁၆ ဇွန် ၂ ရက်နေ့တွင် နာရေးကူညီမှုအသင်း(ရန်ကုန်)၌်ကျင်းပပြုလုပ်ခဲ့ကြောင်း သိရှိရသည်။ အဆိုပါအခမ်းအနားတွင်နာရေးကူညီမှုအသင်း(ရန်ကုန်)မှ အုပ်ချုပ်ရေးမှူး ဒေါ်ဧရာမောင်မောင် မှအဖွင့်စကားပြောကြားပြီး သင်တန်းဆရာ/ဆရာမများ၊ သင်တန်းသူ/သင်တန်းသားများ မှလည်း ကျေးဇူးတင်စကားပြန်လည်ပြောကြားခဲ့ပါသည်။ဆက်လက်၍ သင်တန်းသူ/သင်တန်းသားများနှင်ဆရာ/ဆရာမများမှ စုပေါင်းမြတ်ဒါနအဖြစ် နာရေးကူညီမှုအသင်း (ရန်ကုန်)သို့ အလှူငွေများ ပေးအပ်လှူဒါန်းခဲ့ပါသည်။ သင်တန်းများနှင့်ပတ်သက်၍ အသေးစိတ်သိရှိလိုပါက သုခအလင်းပညာဒါနကျောင်း – ဖုန်း ဝ၉၄၂၁၀၁၉၁၅၀ သို့ဆက်သွယ်မေးမြန်းနိုင်ကြောင်း သိရပါသည်။ ခိုင်ဖြိုး(FFSS)
၂၀၁၆ ဇွန်(၂)ရက်နေ့ သရုပ်ဆောင်ဒေါက်တာနန်းမြတ်ဖြိုးသင်းမွေးနေ့အမှတ်တရနှင့်(၇)ရက်သားသမီးပရိသတ်များမှ စုပေါင်း၍ အလှူငွေ သိန်း(၃၀)ကျပ်အား နာရေးကူညီမှုအသင်း(ရန်ကုန်)သို့ လှူဒါန်းပေးခဲ့ပြီး ညောင်ဦးမြို့ရှိကောင်းပင်စည်နာရေးကူညီမှုအသင်းသို့ နာရေးကူညီမှုအသင်း(ရန်ကုန်)နှင့် သရုပ်ဆောင် ဒေါက်တာနန်းမြတ်ဖြိုးသင်း တို့မှပူးပေါင်း၍ နိဗ္ဗာန်ယာဉ်(၁)စီးအား ပြန်လည်၍ ပေးအပ်လှူဒါန်းခဲ့ပါသည်။ ဖြိုးဖြိုး(ပြန်ကြားရေး)
၂၀၁၆ မေ(၂၇)ရက်နေ့တွင် မြဝတီခရိုင် ၊ မြဝတီမြို့ရှိ Z Rescue အရေးပေါ်ကယ်ဆယ်ရေးအသင်း ရုံးခန်းဖွင့်လှစ်ပွဲအခမ်းအနားသို့ နာရေးကူညီမှုအသင်း(ရန်ကုန်) ဥက္ကဌ ဦးကျော်သူနှင့် အတွင်းရေးမှူး ဒေါ်ရွှေဇီးကွက် တို့မှဖဲကြိုးဖြတ်ဖွင့်လှစ်ပေးခဲ့ပြီး ဥက္ကဌ ဦးကျော်သူမှ အမှာစကားပြောကြားပေးခဲ့ပါသည်။ သတင်း/ဓါတ်ပုံ – ပြန်ကြားရေးဌာန
၂၀၁၆ မေ(၂၈)ရက်နေ့ ထိုင်းနိုင်ငံ၊ မဲဆောက်မြို့ရှိ ဒေါက်တာ ဒေါ်စင်သီယာမောင်၏ မယ်တော်ဆေးခန်းဖွင့်လှစ်ပွဲနှင့် သတင်းစာရှင်းလင်းပွဲ အခမ်းအနားသို့ နာရေးကူညီမှုအသင်း(ရန်ကုန်)ဥက္ကဌ ဦးကျော်သူ၊ ဒု-ဥက္ကဌ ဆရာမဒေါ်သန်းမြင့်အောင်၊ အတွင်းရေးမှူး ဒေါ်ရွှေဇီးကွက် နှင့် အမှုဆောင်များ တက်ရောက်အားပေးခဲ့ကြပြီး ဥက္ကဌ ဦးကျော်သူမှ ဂုဏ်ယူဝမ်းမြောက်ကြောင်း အမှတ်တရစကားပြောကြားပေးခဲ့သည်။ သတင်း/ဓါတ်ပုံ – ပြန်ကြားရေးဌာန
(26.5.2016)နေ့တွင် ကမာရွတ်မြို့နယ် မှ နိဗ္ဗာန်ယာဉ်(၁)စီးမတည်အလှူငွေအဖြစ်ကွယ်လွန်သူဖခင်ကြီးဦးထိန်လင်းအားရည်စူး၍ ကျန်ရစ်သူမိသားစု၊ ဆွေမျိုးမိတ်သင်္ဂဟနှင့်တပည့်များအလှူငွေ – ၈၀ဝ၀,ဝ၀ဝိ/- (သိန်းရှစ်ဆယ်ကျပ်) လှူဒါန်းခဲ့ပါသည်။ လှူဒါန်းမှုအစုစုအတွက် သာဓု အနုမောဓနာခေါ်ဆိုအပ်ပါသည်။
၂၀၁၆ မေ ( ၂၃ )ရက်နေ့ ညနေ (၂းဝ၀ နာရီမှ ၄းဝ၀)နာရီရေဝေးခန်းမ(၁/ဂ)တွင် ကိုလင်းခမ်းရာ(ခ)ရှက်တယ် အသက်(၃၉)နှစ်အား ရေဝေးသုင်္သာန်တွင် မီးသဂြိုလ်ပြီးသည် အထိ နာရေးကူညီမှုအသင်း(ရန်ကုန်)မှ ဖေးမကူညီဆောင်ရွက်ပေးခဲ့ပါသည် ။ ကိုရှက်တယ် ကောင်းရာသုဂတိလားပါစေ … နာရေးကူညီမှုအသင်း(ရန်ကုန်)မှ ကျန်ရစ်သူမိသားစုနှင့်ထပ်တူထပ်မျှ ဝမ်းနည်းကြေကွဲရပါကြောင်း ။ ။
နာရေးကူညီမှုအသင်း(ရန်ကုန်)မှဆင်းရဲချမ်းသာလူပုဂ္ဂိုလ်မရွေးနာရေးကူညီမှုများပေးခဲ့ရာ ၂၀၁၆ မေ(၁၇)ရက်နေ့ တွင် အဆိုတော်ခိုင်ထူး၏မိခင်ကွယ်လွန်သူ ဒေါ်တင်တင်မြင့်အသက်(၉၂)နှစ် ၏ ရုပ်အလောင်းအားပါရမီအထွေထွေရောဂါ ကုဆေးရုံမှရေဝေးသုဿာန်သို့တိုက်ရိုက်ပို့ဆောင်မီးသဂြိုလ် ကူညီမှုပေးခဲ့ပါသည်။ နာရေးကူညီမှုအသင်း(ရန်ကုန်)မှအဆိုတော်ခိုင်ထူး၏မိသားစုနှင့်ထပ်တူဝမ်းနည်းကြေကွဲမိပါကြောင်း .
၂၀၁၆ မေ (၈)ရက်နေ့တွင် နာရေးကူညီမှုအသင်း(ရန်ကုန်)သုခအလင်းပညာဒါနကျောင်းမှ (၁/၂၀၁၆)ကွန်ပျူတာသင်တန်းများကို စတင်ဖွင့်လှစ်ခဲ့ပြီး အခမ်းအနားတွင် နာရေးကူညီမှုအသင်း(ရန်ကုန်)ဥက္ကဌ ဦးကေ ျာ်သူ မှ “မိမိတို့ဘဝတွေ လှပလာစေဖို့ ခက်ခဲတဲ့လမ်းကြမ်းကို ရှေ့မှ ဖောက်လုပ်ပေးခဲ့ပြီဖြစ်ပြီး (၇)ရက်သားသမီး အလှူရှင်များ၏ ချွေးနည်းစာ ဖြင့် ဖွင့်လှစ်ထားခဲ့သည့်၄င်း သင်တန်းများကိုအကျိုးရှိစွာဖြင့် အောင်မြင်တဲ့ပန်းတိုင်သို့ စည်းကမ်းရှိရှိ ရောက်အောင်သွားကြရန်”အတွက် သင်တန်းသူ/သားများအား ပြောကြားပေးခဲ့ပြီး အမှုဆောင်အဖွဲ့များသင်တန်းမှ ဆရာများကသင်တန်းဖွင့်လှစ်ရခြင်း ရည်ရွယ်ချက်များကိုပြောကြားခဲ့ပြီး ကွန်ပျူတာသင်တန်းတွင် အခြေခံမှ စ၍အခြားအတန်းများဖြစ်သည့် A+ (Hardware)D.T.P PhotoshopAuto CAD – 3D MaxProgramming Networkingတန်းခွဲများကို စတင်ဖွင့်လှစ်ခဲ့ပြီး သင်တန်းသား/သူ ဦးရေ (၄၀ဝ)ခန့် တတ်ရောက် သင်ကြားရတော့မည် ဖြစ်သည် ။ ဖြိုးဖြိုး(FFSS)