Slogan
F.F.S.S ရာဇဝင် အထွေထွေ စည်းမျဉ်းစည်းကမ်း

စည်းမျဉ်းစည်းကမ်း

  • အသင်းမှ လက်ခံပြီးသော ဧည့်အသင်း သား/သူ များသည် အသင်းမှ ချမှတ်ထားသော လုပ်အားပေးရက် အနည်းဆုံး (တစ်ပါတ်လျှင် တစ်ရက်)နှင့် လုပ်အားပေးချိန် နံနက် (၉း၀၀) နာရီမှ ညနေ (၅း၀၀) နာရီအထိ အချိန်ပြည့် တာဝန်ထမ်းဆောင်ရမည့်အပြင် မိမိနှင့် သက်ဆိုင်သော အစည်းအဝေးများအား မပျက်မကွက် တက်ရောက်ရမည်။ မိမိ တာဝန်ကျရက်တွင် မလာရောက်နိုင်ပါက ခွင့်တိုင်ကြားရမည်။
  • အသင်း၏ တာဝန်များ ထမ်းဆောင်နေစဉ်အတွင်း အသင်းမှ ချမှတ်ထားသော ဝတ်စားဆင်ယင်မှု ပုံစံကို အတိအကျ လိုက်နာရမည်။ မြန်မာ့ယဉ်ကျေးမှုနှင့် ဆန့်ကျင်သော သရုပ်ပျက် ဝတ်စားဆင်ယင်မှုများကို လုံးဝ (လုံးဝ) ခွင့်မပြု။
  • အများ၏ အကြည်အညို ပျက်စေနိုင်သော ပြုမူ ပြောဆို ဆက်ဆံမှု၊ ခိုက်ရန်ဖြစ်ပွားမှု၊ မူးယစ်သေစာ သောက်စားမှုများကို ရှောင်ကြဉ်ရမည်။
  • အသင်းကြီးသည် လူမှုရေး သက်သက်ကိုသာ လုပ်ဆောင်နေသော အသင်းဖြစ်ပါ၍ အသင်း၌တာဝန် ထမ်းဆောင်နေသည့် နေ့ရက်တွင် ပါတီ နိုင်ငံရေးအတွက် စည်းရုံးခြင်း၊ လှုံ့ဆော်ခြင်း၊ ဟောပြောခြင်း လုံးဝ မပြုလုပ်ရ။ ကင်းရှင်းရမည်။ ငွေကြေး အရှုပ်အရှင်းများ၊ လူမှုရေး အရှုပ်အရှင်းများ ကင်းရှင်းရမည်။
  • ဧည့်အသင်း သား/သူများသည် အသင်းမှ ချမှတ်ထားသော အချိန်ကာလတစ်ခုထိ ကော်မတီ အရပ်ရပ်၌ ဧည့်လုပ်အားပေးအဖြစ် ဆောင်ရွက်ရမည်။ လုပ်အားပေးရန် သတ်မှတ်ထားသော အချိန်ကာလ ပြည့်မြောက်၍ အမှုဆောင် အဖွဲ့၏ ဆုံးဖြတ်ချက်ဖြင့် အသင်းသားအဖြစ် ရွေးချယ် သတ်မှတ်ပါမည်။
  • “အသင်းသည် မိမိအတွက် မဖြစ်စေရ၊ မိမိသည် အသင်းအတွက် ဖြစ်ရမည်။” ဆိုသည့်အတိုင်း အသင်းနှင့်ပတ်သက်သည့် အရှိန်အဝါ၊ ဂုဏ်သိက္ခာ၊ သြဇာအာဏာ၊ အခွင့်အရေးအား မိမိ၏ ကိုယ်ကျိုးအတွက် အသုံးချခြင်း လုံးဝ (လုံးဝ) မပြုရ။ တာဝန်ချိန်မှအပ အသင်း၏ ပြင်ပနေရာများတွင် အသင်း၏ တံဆိပ် (ရင်ထိုး)၊ အသင်းသား ကဒ်ပြား၊ ဝတ်စုံ (Uniform) စသည်တို့ကို အသုံးပြု ဝတ်ဆင်၍ မူးယစ်သောက်စားခြင်း၊ လောင်းကစားခြင်းနှင့် မဖွယ်မရာပြောဆို ဆက်ဆံခြင်းများ မပြုလုပ်ရ။ အသင်း၏ ဂုဏ်သိက္ခာ ညှိုးနွမ်း ထိခိုက်စေနိုင်သော မည်သည့် အကြောင်းအရာမျိုးကို မဆို ကျူးလွန်ပါက အသင်းမှ ထုတ်ပယ်ခြင်း/ ထိရောက်စွာ အရေးယူခြင်း ခံရမည်။
  • ဧည့်အသင်း သား/သူ များအနေဖြင့် အသင်း၏ လုပ်ငန်းများ အကောင်အထည်ဖော်ရာတွင် တွေ့ကြုံရသော အခက်အခဲ၊ ပြဿနာ (ကြီး/ငယ်) ကိစ္စရပ်များအား နေ့အလိုက်၊ တာဝန်ခံများ၊ အလုပ်အမှုဆောင်များထံသို့ တင်ပြ အကြံဉာဏ် တောင်းခံ၍ ပူးတွဲ ဖြေရှင်းရမည်။
  • နာရေးရှင်နှင့်၎င်း၊ လူနာ/ရှင်များ၊ ဝန်ထမ်းများနှင့်၎င်း၊ အခြားမည်သူတစ်စုံတစ်ယောက်နှင့်မျှ ငွေကြေး (လာဘ်ပေး/ယူ) ကိစ္စရပ်များကိုလုံးဝမပြုလုပ်ရ။ ဖြစ်ပေါ်လာပါက ပြင်းထန်စွာအရေးယူခြင်း (သို့) အသင်းမှ ထုတ်ပယ်ခြင်းခံရမည်။
  • အသင်း၏ တာဝန်ထမ်းဆောင်နေစဉ်အတွင်း အခြားတံဆိပ်များ တပ်ဆင်ခြင်း၊ ဝတ်စားဆင်ယင်ခြင်းနှင့် အသင်း၏ ဂုဏ်သိက္ခာအား ညှိုးနွမ်းထိခိုက်စေနိုင်သော မည်သည့် အကြောင်းအရာမျိုးမဆို ကျူးလွန်ပါကအသင်းမှ ထုတ်ပယ်ခြင်း/ထိရောက်စွာ အရေးယူခြင်း ခံရမည်။
  • အသင်း၏ ပရဝုဏ်အတွင်းတွင် အသင်းသား အချင်းချင်း အုပ်စုဖွဲ့ခြင်း၊ ဂိုဏ်းဃဏဖွဲ့ခြင်းများ လုံးဝ (လုံးဝ) ခွင့်မပြု။ အချင်းချင်း ရိုးသားစည်းလုံးစွာ လက်တွဲကူညီဖေးမမှု ပြုလုပ်ရမည်။ အသင်းကြီး၏ လုပ်ငန်း သဘောသဘာဝ ကိစ္စအဝဝအား နားမလည်ပါက ထိုမရှင်းလင်းမှုများကို အလုပ်အမှုဆောင်၊ အတွင်းရေးမှူး၊ ဥက္ကဋ္ဌတို့ထံ ပွင့်လင်းစွာ မေးမြန်းလေ့လာနိုင်သည်။ အသင်းသား (အသစ်) များအား အသင်းသား (အဟောင်း) များမှ လက်တွဲခေါ်ဆောင်၍ သင်ကြား ပြသပေးရမည်။
  • အသင်းမှ သတ်မှတ်ထားသော ခွင့်လျှောက်လွှာ ပုံစံဖြင့်သာ ခွင့်တိုင်ကြားရမည်။ ခွင့်မဲ့ (တစ်လ) ပျက်ကွက်လျှင် လုပ်အားပေးခြင်းမှ ရပ်ဆိုင်းခံရမည်။ ခွင့်ရက်အတွက် အစားထိုးလာသည့်နေ့တွင် ယင်းနေ့ တာဝန်ခံ၏ တာဝန် ပေးအပ်သည့် နေရာ/ဋ္ဌာနတွင် လုပ်ငန်း တာဝန်များကို ကျေပွန်စွာ ထမ်းဆောင်နိုင်ရမည်။ မိမိသဘောဖြင့် မိမိ လုပ်ချင်သည့် နေရာ/ဋ္ဌာနတွင် ဝင်ရောက် လုပ်ကိုင်ခြင်း လုံးဝ မပြုလုပ်ရ။
  • အသင်းသား / ဧည့်အသင်းသား တစ်ယောက်သည် နေ့တာဝန်ခံ၏ ခွင့်ပြုချက် မရရှိဘဲ မည်သည့် တာဝန်ကိုမှ လွှဲပြောင်း ထမ်းဆောင်ခြင်း မပြုရ။ တာဝန် ထမ်းဆောင်နေချိန်အတွင်း မိမိနှင့်တိုက်ရိုက် ပတ်သက်သော ကိစ္စရပ်များ ပေါ်ပေါက်လာပါက တာဝန်ခံ၊ နေ့တာဝန်ခံ၊ အလုပ်အမှုဆောင်များထံ အကြောင်းကြား၍ ဆောင်ရွက်ရမည်။
  • အသင်းသား / ဧည့်အသင်းသား တစ်ယောက်သည် ငွေကြေး အရှုပ်အရှင်း၊ လူမှုရေး အရှုပ်အရှင်းစသည့် အချက် (၂) ချက်မှလွဲ၍ ပြစ်မှု တစ်စုံတစ်ရာ ပေါ်ပေါက်လာပါက အဆိုပါနေ့၏ တာဝန်ခံ၊ နေ့တာဝန်ခံ၊ အလုပ်အမှုဆောင်နှင့် အမှုဆောင် အဖွဲ့မှ စစ်ဆေး အရေးယူ ဆောင်ရွက်ခြင်း ခံရမည်။ အထပ်ပါ အချက် (၂) ချက်အား ကျူးလွန်ပါက လိုအပ်လျှင် တရားဥပဒေအရ အရေးယူခြင်းကို ခံရမည်ဖြစ်သည်။
  • အသင်းသားအဖြစ် အသိအမှတ်ပြုခံရပြီး အသင်းသား ကဒ်ပြားနှင့် အသင်းသား အမှတ်ရရှိပြီးသူသည် ၂၀၁၁ ခုနှစ် ဖွဲ့စည်းပုံ အခြေခံ စည်းမျဉ်း အခန်း(၁)၊ အပိုဒ်(၃)၊ ပိုဒ်ခွဲ(ဇ) အရ ဆောင်ရွက်ခွင့်ရှိသည်။

FFSS အကြောင်း

သတင်းထုထ်ပြန်ချက်